رواية عودة رمسيس الثاني بقلم : محمود قاروب ـ الحلقة الرابعة

رواية عودة رمسيس الثاني بقلم الكاتب العبقري : محمود قاروب ـ روائى متميز وكاتب متمكن يكتب لنا رواية غاية فى الروعة فى مشاهد متكاملة , الكاتب محمود قاروب نقدم لكم روايته عودة رمسيس الثاني لمصر فى العصر الحديث , قصة ورواية احترافية يسرد فيها الاحداث ويعالج فيها المتغيرات الحديثة فى الدولة المصرية فى صورة درامية , يصور لنا ماذا لو كان رمسيس الثاني موجودا الأن , وتميزت الرواية بالوسطية بين الإمتاع والإقناع، فقد ركَّز الكاتب على الإمتاع مع إقناع القارئ بأن فعلا رمسيس الثاني عاد الى الحياة فى عصرنا الحديث 

الحلقه الرابعة
عوده رمسيس الثانى 
تاليف :- محمود قاروب 

يدخل الملك الى الحمام لا يعرف ماذا يفعل وكيف يغسل ايديه واين الجاريه التى سوف تقوم بوضع الماء على يديه ....نعم انه يعرف انه اصبح فى زمن غير الزمن ولكن ليست كل النقاط واضحه امامه فاذا به يصيح .

الملك :- كيف كيف كيف ؟
عادل يطرق على باب الحمام مناديا له 
عادل :- يا رمسيس 
رمسيس :- كيف يا عادل كيف ؟
عادل :- هو ايه بس اللى كيف ؟
رمسيس :- اين الماء وكيف اغسل يدي 
يدخل عادل على الملك بالحمام فيجد ينظر يمينا وشمال وعلى الحيطان فيقوم عادل متوجها الى الحنفيه ويقوم بفتحها فينظر رمسيس الى عادل ولكن تعود الا يتكلم كثيرا فغسل يديه ثم خرج فاخذه عادل الى السرير فنام الملك وخرج عادل الى امه واباه واخته شهد 

الحج حمدان :- ايه يابنى الراجل ده ...مين ده ؟.
عادل :- والله ياحج ما اعرف اهو واحد شكله سياسي وشكله من كتر المعتقلات لسع ولا حاجه 
ام عادل :- انا خايفه يقوم يولع فى البيت واحنا نايمين والله 
عادل :- متخفيش ياماما انا اصلا هسهر لغايه الصبح 
تقوم شهد بفتح التلفاز على احدي القنوات فتجد برنامج لميس الحديدي وهي تتكلم بصوت عالى 

لميس :- يعنى ايه الارض انشقت وبلعته 
مسئول الاثار :- يا استاذه لميس والله احنا متحيرين اكتر منك بس اللى متاكدين منه ان حارس المتحف من ضمن هذا التشكيل العصابى 
لميس :- وايه دليلكم على كده يا استاذنا هو اي تهمه نرميها على الغلابه وخلاص هو مش فيه هيئه عامله للاثار وفى ناس مسئوله وفى شرطه وفى وزراء وفى الاخر الغلطان هو حارس الامن اللى بيجري الصبح لشغله علشان 300 جنيه 
مسئول الاثار :- يا استاذه لميس ...الحارس بنسئله بيقول اصل رمسيس قام من مرقده وكسر اللوح الزجاجي الخاص بالنقود وسرق النقود وهرب 
تتضحك لميس بسخريه .... وانا ايه ضمني انكم تكونو اجبرتو الغلبان ده يقول كده 

وكل هذا والاسره تنظر لبعضها بكل دهشه واستغراب 

فتقوم شهد بقلب القناه فتجد احدي المسئولين يقول 

المسئول :- اهو يا استااااذ وائل ....اهو ....هو لو كان فى برلمان تفتكر كان جسد رمسيس هينسرق 

عادل :- اقلبى الراجل ده بيستفزززززنى 

شهد تقوم بقلب القناه على احدي القنوات الاسلاميه 

احدي الضيوف (أ) :- ما هو لو حارس الامن راااجل مكنتش المومياه انسرقت ما انا قولتلهم لازم يكون فى راجل ولما يكون حارس امن يكون راجل هاااتولى راجل 

الضيف الاخر(ب) :- وهل تظن ان باختفاء جسد رمسييس التانى يكون بذلك خطر على الاسلام حيث قالو ان رمسيس الثانى هو فرعون موسي فكيف ينجي من بدنه واحنا اصلا مش عارفين بدنه راح فين ؟؟؟؟

الضيف (أ) :- ايـــــــــــن المومياه يا شيخ ....دي قضيتنا دلوقتى 

ام عادل مخاطبه ابنها ....

ام عادل :- هو اللى جوه ده فرعون موسي ..........ده طاغي ياابنى 
عادل :- ياامي استنى بس ...انتى شايفه اهو من غير اي سلاح يعنى لو هو وربنا اقتله استنى بس 

اقلبى يا شهد ...فتقوم شهد بالقلب على احدي القنوات 

المذيعه :- تفتكر حضرتك حمدين صباحي والبرادعي وراه اختفاء المومياء لااحراج الرئيس 

عادل غاضبا :- ااااااااااااااقلبى 

تقوم شهد باطفاء التلفزيون 

شهد :- يعنى عمو الحج اللى جوه ده يبقه رمسيس بتاع التاريخ وتتضحك شهد
عادل :- يا مني ...يامني 

فتخرج مني من غرفه نومها عليها اثار التعب 

مني :- فى ايه بس ....ايه ده فين الراجل بتاع انا الاسره 19
حمدان :- طلع يااختى من الاسره 19 فعلا 
ام عادل :- الراجل ده مش يبات هنا ليله واحده ده فرعون طاغي ممكن يقتل فينا بليل 
مني :- اهدو اهدو انت بتقولو ايه .زززهو انتو صدقتوه وتتضحك مني بسخريه 

عادل :- ادي يا شهد الريموت لااختك 
تمسك مني الريموت كنترول من اختها شهد وتاخذ فى تغير القنوات وتجد اخبار كثيره عن اختفاء مومياه الملك رمسيس وقول حارس الامن ان الفرعون عاد من جديد تاتى لمني هستريا من الضحك غير مصدقه الموقف فيستيقظ الملك من نومه ويخرج اليهم وكلهم ينضمو لبعضهم البعض خائفين من الفرعون الطاغي 

الملك :- مش عااااااارف انام 

ام عادل :- مش تضرر ولادي ...احنا خدناك فى بيتنا واكلنا وشربناك والنبى ما تتضرنا 

الملك :- انا لا اضر من قدم لى معروف 

ام عادل :- اذا كان ضربت نبى الله موسي عليه السلام 

الملك :- انا ......... لم يحدث 

مني :- لا انت رمسيس الثانى ...فرعون موسي 

الملك :- اليس موسي هو من اتى على قوم اسرائيل 

مني :- ايوه 
الملك :- يااميرتى ...من قال هذا 

مني :- قريت الكلام ده على النت 

الملك :- من قالو 

مني :- بعض علماء الاثار 

الملك :- من مصر ؟

مني :- ولا واحد منهم من مصر 

الملك :- وماذا قالو ايضا 

مني :- فى ناس منهم قالو ان انت فرعون موسي ...وناس تانيه قالت ان انت فرعون دخول موسي لمصر وان ابنك 

مني :- وما هي قصه فرعون موسي .....

اخذت مني تروي قصه سيدنا موسي عليه السلام وقصته مع الفرعون الطاغي والكل يسمع ويتحدث عادل بعض الوقت والبعض الاخر الحج حمدان ثم الام والملك يسمع ثم يقاطعهم 

الملك :- فهمت من كلامك انك تتدرسي تاريخ ...وانك تعرفى تاريخ ابائي واجدادي واحفادي 

مني:- ايوه 

الملك :- وهل سمعتى ان فى وقت حكمي كنت ملك ظالما او انه ظهرت فى ارض مصر تلك البلائات التى ظهرت لهذا الحاكم 

مني :- لا 

عادل :- انا سمعت كمان ان لما شرحو جثه الملك رمسيس الثانى 

الملك مقاطعا عادل :- ماذا فعلو ؟

عادل :- شرحو الجثه ليعرفو سبب الوفاه 

الملك :- قبل ان انتقل للعالم الاخر كنت مصابا بالرومتيزم 

عادل :- بالظبط وده اللى اكتشفه العلم الحديث 

الملك :- كما انه تقولون فى كتابكم المقدس على لسان زوجه الطاغيه قالت قره عين لى ولك لا تقتلوه عسي ان ينفعنا او نتخذه ولدا 

ام عادل :- صدق الله العظيم 

الملك :- كيف يكون ذلك ويكون قره عينى معنى كلامكم ان الملك الطاغي لا ينجب اما انا انجبت من الابناء 90 وابنى مرنبتاح هو من تولى الحكم من بعدي

مني :- يبقه ابنك الملك مرنبتاح هو ذلك الطاغي

الملك :- اميرتى .... حينما قمت من مرقدي قرات ما كتبه ابنى على لوح من الرخام كاتبه عليه انتصراته ومن تلك الانتصرات انه انتصر على الاسرائلين وانه قضي على بذره الاسرائلين 

مني مقاطعه الملك :- ايوه ...دي ياعادل اللى اسمها انشوده النصر اللى استدل بها علماء الغرب ان مرنباح هو فرعون موسي 

الملك :- ولكن يامني قولتى انتى لي ان دينكم يقول ان الاسرائلين ضاعو الطريق 40 عاما حتى وصلو الى فلسطين ...... وابنى يكتب انه انتصر عليهم فى فلسطين ...فكيف يكون ابنى فرعون موسي ونفس الوقت مات غريقا وفى نفس الوقت ضاعو الطريق 40 عاما وفى نفس الوقت انتصر عليهم فى فلسطين ومكتوب لتعريف ابنى فى المتحف انه حكم مصر 10 سنوات فقط 

شهد :- ظهر الحق ....يحيا العدل .... يحيا العدل 

ام عادل :- يعنى انت يابنى طيب وغلبان 

الملك :- هذا من قولكم انتم وليس من قولى ....وهذا من تاريخكم التى تسطرونه على ورق 

شهد :- ابيه رمسيس ..... ممكن اتصور معاك 

الملك :- نعم ...؟ 

عادل مقاطعا شهد ....بس يا شهد مش وقتك ....احنا شكلنا دخلنا فى منطقه خطر جدااا

الملك:- ماذا حدث ؟

الحج حمدان :- القنوات كلها ياابنى ...ياابنى ؟؟؟ .... اقصد ياجدي .... بس يااستاذ القنوات كلها عرفت ان مومياه رمسيس اختفت وبيقولو ان عاد من جديد فانت دلوقتى مش عارفين الصراحه نعمل ايه

الملك :- صدقتينى يا اميرتى ؟

مني :- صدقتك 

الملك :- اريد ان اذهب الى الاهرامات من الممكن ان اجد حل للعوده من حيث اتيت 

مني :- بكره اوديك بس هتمشي بشهاده ميلاد اخويا انت من دلوقتى اسمك سامي حمدان ....واي حد يسئلك تتطلعله الشهاده وتقوله البطاقه ضايعه فهمت 

الملك :- بالرغم انى لا افهم ما تقصديه ولكنى فهمت 

ام عادل :- انت دلوقتى يا سياده الملك تقوم تنام ....... احنا اسفين ان احنا القناك 

الملك :- ماذا ؟

مني :- ممكن حضرتك تكمل نومك ....وبكره هصحيك تفطر ونروح الاهرامات 

الكل يقوم من مجلسه للنوم لااعتقادهم بان غدا يوم صعب جدااااا ...وشهد تنظر للملك وتلوح للملك 
شهد :- باي باي ...هشوفك بكره ...اوعي تمشي قبل ما اتصور معاك 

الملك :- وداعا محبوبتى الصغيره 

ويذهب الملك لغرفه النوم ويتم اغلاق النور .........حتى ينام الجميع وان غدا لناظره قريب 


اضغط هنا لعرض : باقى حلقات رواية عودة رمسيس الثاني بقلم : محمود قاروب

موقع بوابات كوم يحتوى على كثير من المقالات والدروس في عدة مجالات كالعمل الحر والربح من الانترنت والمجالات التعليمية والصحية والرياضية وكذلك مجال شروحات البرمجة والكثير من التصنيفات المختلفة والتي تُغني من يريد انشاء موقع نموذجى رائد عن طرح الاستفسارات والاسئلة التي تتعلق بعالم الإنترنت كما يتميز موقع بوابات كوم أن له فريقً مهمته هي مراجعة كل المقالات المطروحة عليه ولا يتم نشر أي مقال في حالة كان مكررًا أو عديم الفائدة؛ لذلك أي مقال سوف تجده على موقع بوابات كوم سيقدم لك معلومات هامة كتبها مطورون بارعون في أعمالهم، وراجعها ورائهم فريقًا مميزا متخصصا.